[香港美食] 足料燉湯+溫情屋邨小店 - 沙田盛記

講沙田嘅良心小店，第一間諗到嘅非盛記莫屬，盛記更加好代表到香港人打不死嘅精神，盛記嘅故事真係可以有排講，由十幾年前領匯加租差啲被趕絕無得做，派麵俾老人家，舖頭非常有特色嘅室內裝修，晚市增做火鍋，至上年有份撐眾新聞義賣。

所以我呢個區外人每一次嚟到沙田想食嘢嘅首選一定係盛記先，除咗佢地嘅人情味，係佢地做麵家開始，慢慢增加其他唔同嘅選擇，而且味道一直保持得唔錯，做到老闆細B哥成日講嘅想嚟食嘢嘅人食得開心。

而今次去食，仲出埋燉湯，一試之下佢哋嘅燉湯真係比專門做燉湯嘅食店出色！係盛記都食咗好幾年，估唔到都仲可以有驚喜！真心值得推介！


入嚟原本只係想食個飯，點知見到貼住有燉湯，即刻諗都唔洗諗叫咗一客，燉湯日日唔同，今日嘅係燉猴頭菇，啱晒我口味。

一上黎見到湯蓋過盅蓋就知呢盅燉湯唔惹少，顏色濃濃，油量適中唔會好油，未打開已經聞到好香好香嘅香氣


一打開，湯色清澈而色濃，啲料滿到出晒嚟，剩係咁望已經覺得呢盅燉湯值回票價


真係非常足料，用咗兩隻雞腳、三粒排骨、三粒猴頭菇、桂圓、紅棗，仲食到有少片薑。


飲落去味道非常香濃清甜，完全飲得出各種材料混和，燉咗一段時間嘅精華，而且湯汁好重膠質嘅黏口感。猴頭菇都有好好處理過，無食到澀味。
真心估唔到盛記做麵幾好，做豉油雞好食，打邊爐材料夠新鮮，做燉湯都做得非常出色。



當然其他野食都非常好食，而且價錢都好抵
牛尾燜得淋身入味，唔會爛晒留有咬口，份量亦都好足


無骨豉油雞都係盛記名物，以前會做瓦撐豉油雞，宜家做無骨，更方便食客，而且雞肉嫩滑，份量都好足料，記得配埋葱絲食




盛記呢度嘅室內設計都係非常特別，有講笑話細B哥係俾食店耽誤嘅藝術家。


喜歡攝影嘅總會係店內搵到唔同嘅角度影到靚相。




盛記嘅午餐只係做星期一至六，星期日係無飯的，價錢只係$48連飲品。
就係右邊果張紙吸引到我叫咗個燉湯嚟飲，推介！


良心食店，除咗派麵，仲會派蛋糕，而附近都有間麵包舖良心價賣麵包，都係會派麵包


盛記麵家
地址：沙田瀝源熟食中心5號舖
電話：26926611
注意日頭主要做飯套同粉麵，晚市就會做火鍋，而星期日日頭無飯餐只有麵食

享受繁忙生活中的美味咖啡@Studio Caffeine

在日常繁忙的生活中找到休息時間，和朋友外出飲咖啡聊天，的確是重要的生活養份，找到一間可以細味品嚐的地方就更添美滿。

朋友剛在讀咖啡有關的課程，介紹一間在油麻地廟街附近的咖啡室－Studio Caffeine，最初還以為油麻地只有街坊食肆，跟著他給我的地址，在街外看來還不覺得是家咖啡室，招牌不大明顯，但當門一開，看到室內佈置和那陣濃濃的咖啡香味，就知沒來錯地方。

由於是油麻地舊區的關係，小店不像連鎖式商場食店般冰冷，加上樓底非常高，整個設計都很家居般的舒服感覺。加上是平日的下午，店內都沒有很多客人，和朋友閒聊休閒都很適合。




雖然在澳洲Working Holiday 時候有學習如何沖咖啡，但作為始終是咖啡初哥，看著放在門口滿目的咖啡用品，覺得很吸引之餘，不禁想起，咖啡又是另一燒錢玩意XD！



Cashier 旁邊就有枱Espresso 機，品牌嘛，沒錯我是不懂的，不過就回想起在澳洲的星期六早上學習操作半自動espresso 機還有學拉花的時間，生活，是應該要把多點時間留給自己，一個人也好，和朋友也好，過些自己非常享受的時光。

要享受時光，添上一杯飲品就最好不過，朋友點了一杯手沖咖啡，其實當時我還不知什麼是手沖咖啡，原來手沖咖啡通常都是選用單品咖啡豆（呃...如果有飲開咖啡的人應該都知普通咖啡豆是用不同國家和品種的豆混合的），而且還有國家區分，味道各俱特色，沖之前咖啡師還會給客人聞一下磨開後的味道，然後咖啡師就專心沖那杯咖啡，聽他們說手沖咖啡的水溫是非常講究，手法也會影響沖出來的效果，沖的過程雖然沒有花俏，但專業的手法也是技藝的欣賞，原來一杯手沖咖啡不只飲味道，還有嗅覺和視覺的享受。



沖出來的，看起來就像是一杯濃茶多於咖啡，聞起來，咖啡的味道陣陣散發，不太懂如何形容那種味道，但就和平時的咖啡有不同，飲的時候也當然不會加糖加奶，享受最原本的味道。朋友點的地區咖啡豆比較酸，而我自己比較怕酸，所以只淺嘗手沖咖啡的一小啖。
入口的第一個感覺，咦，沒有苦味的，原來是咖啡豆的苦味多數來自炒得較熟的咖啡豆，而且品種也不同，但就的確有酸味，而且還有類似水果的味道，咖啡師此時也出來問我們覺得水沖咖啡如何，朋友當然讚不絕口。
至於第一次飲手沖咖啡的我，也老實說對我這個沒有飲開手沖咖啡的人會比較酸，但亦是這樣才飲到咖啡的原本味道，朋友解釋原來溫度會影響酸度，溫度高的時候飲比較沒那麼酸，溫度低的話會酸一點。



至於我點的Latte，拉花方面個人覺得做得不錯，話說我也有學過拉花，但拉的都很醜......當然practice makes perfect，也知道控制奶的流向不是易事。
味道方面，他們的奶啡（這個term 是的從朋友和咖啡師口中學回來的）都是用Meiji 明治的牛奶，味道比坊間用牛奶公司牛奶更香濃，亦因為他們是很專門的咖啡店，咖啡本身的質素也很好，很多時在一般所謂的Cafe 的Latte，不加糖幾乎是不能入口，味道不是太苦就沒咖啡香味，但這間Studio Caffeine 的Latte 卻完全沒有那些感覺，像是在Melbourne 喝的Latte 般。

雖然在澳洲時學會飲這些咖啡要快點飲完，不然味道會變得奇怪，但與朋友一起聊天想當年之下卻想慢慢地享受這杯Latte，在繁忙的生活享受下這慢下來的下午。



這間Studio Caffeine 是有提供下午茶套餐的，對吃的比喝的有要求的人，不要來這裡了，這邊吃的都比較是普通，但連上咖啡飲品後的套餐就很化算，$42 有牛角飽，沙律，一飲基本咖啡飲品(也就是Latte、Espresso 那類) ，轉配手沖咖啡也有半價優惠，不錯。



後尾想再坐耐一點談久一點，決定多點一杯Cappuccino，上咖啡班時知道Latte 跟Cappuccino 的對大分別在於奶的份量不同，帶出來的味道也有點不同，而這杯Cappuccino 也做了拉花，味道也是很好。



後尾因為舖頭在晚上有音樂節目，所以要清場作準備，在過往很難想像香港有地方可以容納品味生活的咖啡和音樂場地，就像外國咖啡館的場地一樣。

香港的確是個高速的城市，香港人的生活也極度繁忙，很多人的一天除了工作就沒有其他了，也因為這樣連假期也要忙著做不同的事，想找個時間靜下來也難有一個地方讓人靜靜享受身邊的事物也是件難事。多一點這些有優質飲食的地方，生活才能慢慢沉甸，慢慢細味人生，享受生活的質感。


隨意影兩張menu for reference，價錢的確不貴：



_______________________________________________________________________
Studio Caffeine
地址：佐敦廟街284號地下
地圖：按我
電話：2793 3480
營業時間：星期一至五: 08:00-22:00
星期六至日: 10:00-22:00

香港好食 - 夠地道！九龍灣食飯新寵兒 - 恆豐食堂 (大眾食堂)

[2015-10-21 更新]

老闆剛通知Matt，他們更換了廚房員工和營業時間，要去這食堂朋友要先查詢最新的營業時間和菜單以免撲空哩～

作為一個九龍灣工作過嘅人，深明要搵一間又平又快又好食嘅食肆唔係件易事，晚飯嘅話更離唔開果三幾間，比較有人氣嘅就係以前喺牛下嘅嗰間利來大排檔，晚飯係唔錯，不過地下跣過鬼兼價錢貴，有時食晏啲阿姐仲好唔客氣，畀我哋改左佢個名做「食面」，全名「食貓面」。

講「食貓面」，真係比唔上以前嘅恆豐食堂，去親食嘢啲員工都好似仲未起身咁，又或者你差佢錢咁，總之一副唔憂做嘅樣，味道非常麻麻但唯一好處就係佢舖面夠大唔洗等位。

但係神奇嘅事就發生啦，原來恆豐食堂近排已經轉左手，接手做老闆果位仲要係我朋友！所以絕對要去試一下手勢，睇下宜家咩環境。

環境篇
環境依舊，人面真係全非！
宜家全部員工同以前嘅已經完全唔同，態度食物都大大改善晒。



牆身依然好本土味道貼晒餐牌係度，一目了然。
再細心留意下面食係用出前一丁！唔洗加錢！以$30 一個常餐有出前一丁嚟計，或者$20 一個下午茶面餐嚟計，真係好抵





好啦，咁其實嚟係食晚飯嘅，話說以前嘅恆豐食堂係唔做晚市，宜家佢地有做埋晚市，仲要做到11點添，老闆娘熱烈推介話好好食，雖然係朋友，但係講到食，邊個都無面畀，好食就話好食，唔好食就話唔好食，咁先得中肯有進步架嘛。



戲玉所在！食物篇
先嚟個小食炸大腸 $30
炸大腸炸得外面香脆，入面鬆化唔韌，其實人地近排想減肥，但係食咗一舊就停唔到口......



再嚟個菠蘿生炒骨 $50 （連飯&湯套餐$55）
生炒骨最重要係就炸得夠靚，呢點佢地的確做到，新鮮炸出嚟既粒粒肉都好酥脆，同枱朋友覺得唔夠酸，我覺得還好，可以再酸點，但最怕過酸.......



接住落黎係西蘭花炒鮮魷 $55 （連飯&湯套餐$60）
好啦，我已經要講句，食埋呢餐先減肥啦，個西蘭花真係炒得好香，而鮮魷呢，好老實因為係新鮮關係日日唔同質素，但今日呢個炒得唔錯，唔係橡膠嚟，有咬口唔痴牙，成碟菜都夠晒鑊氣。



仲有老闆娘極度推介嘅川菜，有一號佳麗－口水雞 $80 半隻 $150 一隻
呢度已經半隻已經係一碟嚟，口水雞個辣汁係佢嘅精華所在，呢個辣汁不得了，雖然話係朋友開有加分，但係真係好好食，佢嘅辣唔係辣到食唔果隻，係慢慢滲出嚟嘅辣，而雞都知唔會係新鮮雞嚟，不過雞肉唔韌唔鞋口，處理得啱啱好。
如果食得辣可以食中辣甚至大辣添，我哋呢啲食小辣就啱啱好。
同埋係即刻整所以雞會熱啲，如果放涼左小小食就仲一流！
仲有仲有，要撈埋蔥蒜一齊食，提升味道～



跟住落就係老闆娘極度推介川菜二號佳麗－水煮牛肉 $70
見到紅卜卜同咁多辣椒就以為辣到噴火啦，食落真係辣，係帶香同麻嘅辣同埋越辣越想食果隻，見到牛肉浮晒面就知足料（不過呢，有朋友以為水煮牛肉個底有魚囉XDD 我哋仲笑左佢好耐）



呢個水煮牛肉嘅主要材料係牛肉，牛肉鮮味香滑無根（無魚架，要食魚就要食水煮魚知無？）
配料有芽菜，拍青瓜，識食水煮牛肉／水煮魚嘅實會食埋呢啲配料，因為佢哋吸收晒辣汁嘅精華！



以上嘅食物全部都好啱香港人口味兼好味，我哋幾個朋友都十分讚好，再加上老闆係朋友就加到爆晒燈添，話我Hard Sell 都係咁話。

好野梗係要分享。仲等埋發叔？No Way！咁慢唔等佢啦，繼續約左其他朋友再去晚飯啦！XD（喂，說好的減肥呢......？）

By the way，同朋友傾落做食肆真係用好多時間，仲有好多嘢要靠晒大廚，食肆大廚真係唔易做，又有心又整得好嘅廚師更難得！


餐牌篇

睇過Overall 餐牌，不論早、午、茶、晚市價錢都非常實惠大眾化，收工約食飯都可以係度食埋，住德福嘅人想食炒小菜晚飯更加多個又近又抵又好食嘅選擇。
區外人開車過嚟食都係個唔錯嘅選擇，附近有唔少停車場同埋呢啲工商業區夜晚泊停無咁大限制。（殊！）










_______________________________________________________________________

恆豐食堂（稍後將會正式改名為大眾食堂）
地址：九龍灣臨興街32號美羅中心1 期地下
地圖：按我　（九龍灣站 B / C出口，穿過德福廣場及德福花園步行約7-10分鐘可到達。步行路線按我）
電話：3956 9298
營業時間：星期一至五 07:00 - 23:00
星期六 07:00 - 17:30
星期日及公眾假期 休息
外賣自取：可
外賣送餐：送（不過中午時間未必夠人手送，最好打去問問先）

完美Cocktail 的煉成 - 初試調酒教室

「又到五點，約咗個客喺個公司附近飲野，當然拎埋部新嘅surface 3 出去，一坐低，梗係order 返杯Johnnie Walker Blue Label，同個一路傾計傾生意，咁啱有d market information 想share 畀個客，但係又唔可以全份share 畀佢，咁即刻用MS Office 執一執，就可以email 埋畀個客。又吹吹下水，原來個客都好鍾意飲whiskey，但係鍾意飲cocktail，就即刻用返部Surface 出黎上網搵搵Johnnie Walker 嘅Cocktail Recipes 黎分享下。 傾到差唔多6 點，send 返個email 返公司話外出見客唔返公司嚕，一邊飲酒傾生意傾人生，又可以用部surface 隨身工作，隨身享樂，That's quality of life。」

就因為呢個嘅情境，我哋就有幸獲得Microsoft 邀請去參與一個由Microsoft Surface 3 同Johnnie Walker 合辦嘅調酒教室活動。又有酒飲又有機玩，Why Not？

活動喺灣仔一間酒吧餐廳度舉行，大公司真係大公司，小型用家體驗活動都有個咁型嘅牌



去到場地已經佈置得七七八八，放喺枱面嘅量杯同shaker 對於我哋未試過自己調酒嘅人好吸引！！



調酒用嘅酒同糖漿仲有果汁都預備好



既然同得Johnnie Walker 合作，梗係有Johnnie Walker 嘅Whiskey 啦，有Gold Label Reserve，Double Black Label 同Black Label



萬事俱備！只欠開工！



跟住2 位Microsoft 嘅年青代表約略介紹下點樣將佢哋部Surface 3 同調酒連上關係



原來係用入面嘅調酒App 叫Cocktail Flow，可以揀用咩材料，調到d 咩酒出黎之類～Well～英雄所見略同，始終做過Marketing 嘛



跟住香港調酒學校嘅人畀咗杯神秘飲品我哋試，睇下我哋飲到咩味出黎，Er......比較少飲Cocktail 嘅我哋.....But.....其實係分唔出有咩味XD



原本叫我哋喺部Surface 3 上面寫低飲到D 咩味.....不過我哋寫咗幾樣都係錯......XD
BTW 原來部Surface 3 可以做到一邊開OneNote 寫嘢畫畫，另一邊開住其他版面，如果真係開工做嘢開緊D file 另一邊Take note 都幾方便，始終同我用緊嘅iPad 路向唔同，Surface 3 係工作為本



喺我哋知道答到錯Ｑ晒之後，型格韓風調酒導師就教我哋點整嗰杯酒出黎，原來調酒都有唔少要注意嘅野同姿勢，留意下導師係Chok 個黯然銷魂樣再用食指同中指夾個調酒杯，唔係好似我哋呢D 新仔咁用拇指同食指拎......



Shake Shake Shake，玩Shaker 都特別有型，估下究竟係冚(kam2.....唔係讀ham6 家鏟個音唔該....)咗個細蓋先定個大蓋先呢？我宜家梗係知啦



好快就做好咗一杯Cucumber 嘅Cocktail





跟住到我哋落手試啦！咦，咁大杯冰？其實導師教我哋想杯Cocktail 保持冰凍口感，可以放Ｄ冰落去凍住個杯先，跟住倒走Ｄ冰，再落Cocktail 落去



至於杯邊嗰個靚靚裝飾呢，原來係將條Cucumber 切V 字切好多個，之後推出黎～搞掂 Tada～



逐漸整好都得，立即整好晒又得，得咗！無得彈！
一杯完美Cocktail 就咁就完成咗，材料基本就係Surface 3 上面寫住咗囉，自己睇啦 :P



跟住學下整杯Shooter，整出黎有3 個Layer 咁話喎，用咖啡利口酒、橙酒同唔少得嘅Johnnie Walker Black Label 啦



導師示範咗整杯出黎，真係3 個Layer 分得好清楚！好正！



又到我哋自己整嘅時間，幾支酒已經換好咗個Pourer（酒咀），我哋要按住個Pourer 個開孔等佢流得慢D 可以畀我哋呢D 新手易D控制， 同埋係貼住個杯邊咁落先落得靚架



調製成功！Perfecto！我都覺得我幾有天份！
而且杯酒幾好飲！一Shoot 落！




最後就係自由發揮時間，Keke～
我哋嘅Creativity 無窮又夠Logic ，梗係難唔到我哋啦



玩完仲可以用Surface 3 寫低我哋嘅Receipt 黎影相



左邊嗰杯係Casey 嘅作品，可樂糖，當其他人調酒調到一個個Layer 嘅時候，呢個人可以調到杯酒有漸變色.....仲要唔公開材料，懶神秘咁
右邊嗰杯係我嘅作品，好老土嘅名叫Blue Angel，比起杯真正嘅Blue Angel，我覺得我呢杯靚得多LOL。
細細聲講，調有Layer 嘅酒係有技巧架！酒嘅濃度越高，密度就越低，放佢係越高嘅Layer 就越唔會畀其他Layer 撞散，好Pro 呢！



其實我杯酒好襯Surface 3 嘅藍色Keyboard 蓋，我應該著埋件藍色衫再襯埋一套



玩咗兩個鐘又玩Surface 3 又玩調酒時間真係唔多夠用，又係時間講拜拜嚕～
最後有Johnnie Walker Black Label 嘅酒辦，返屋企又可以玩下DIY Cocktail～