(Supplied: NT Police)
相關新聞：
http://www.abc.net.au/news/2015-06-13/taiwanese-tourist-recovering-after-night-trapped-on-uluru/6543812
http://www.abc.net.au/news/2015-06-12/uluru-tourist-spends-night-trapped-in-crevice-winched-safety/6540480
因為聞說醫療費用龐大，男生自己又冇買保險，所以有位"佢嘅朋友"走出來話要幫嗰位男生籌期。
跌落山係陰公可憐，但係事件就引起一個前提，究竟點解佢會跌落山。
話說呢舊Uluru 大石係澳洲原住民嘅聖地，千百年嚟原住民都有唔少神話同呢舊大石有關，而大石有部份地方更係佢地一直要黎做神聖儀式嘅地方，連相都唔畀影。
而走上大石呢，原住民從來唔會走上大石，係白人來到之後先開發左一條路上大石，而所謂嘅路其實只係有幾條鐵鏈欄杆，踩既就係石頭本身，所以本身條路已經幾危險。
係夏天嘅時候，呢舊大石更係一舊優質石頭燒，溫度比本身已經熱既天氣更熱。
過往已經有唔少人因為上呢舊石而受傷，跌死，中暑等。
所以我地係Uluru 參加Tour 既時候Tour Guide 嚴正聲明話基於安全同尊重原住民文化，我地只會係Uluru 大石旁圍圈行，唔建議、唔鼓勵同唔會有人帶我地上大石，雖然唔禁止我地自己行，但Tour 同團既保險亦都唔會包上大石既任何意外。
好多既網站上亦都有叫人唔好爬上大石，例如澳洲政府既網頁：
http://www.parksaustralia.gov.au/uluru/do/we-dont-climb.html
如果跟據新聞話個台灣男生係走上大石度之後因為想快啲越過其他人而抄捷徑失足跌落山，咁其實衰啲講只可以話個男生咎由自取，唔考慮下係Uluru 大石上面有幾危險，加上抄捷徑，呢啲責任就真係要自己揹。
去Uluru 旅行，尊重原住民文化，小心自身安全，走上Uluru 大石上真係可免則免。
另外一樣好重要但係又好多人忽略嘅課題就係Working Holiday 保險問題，可能唔少人係香港已經有份保險，跟據保險agent 嘅說法，好多人買嘅都係人壽同危疾，而Working Holiday 比較需要嘅醫療同意外都易遺忘，亦有好多人咩保險都無買。
其實以作為去過Working Holiday 嘅過來人經驗，有一份啱用嘅WH 保險係好有幫助（唔係幫保險公司賣廣告），
第一，始終父母會擔心自己仔女係外地嘅安全，有份保險父母會安心啲放仔女出國；
第二，人在外地同係香港嘅生活環境好唔同，亦都會做好多未接觸過未做過嘅野，玩嘅時候自己又放心啲，Touch wood 出起事嚟自己都唔洗咁傷；
第三，眾所周知係外地睇醫生係好貴，因為外國人嘅我地唔能夠享有當地人嘅醫療福利，係香港政府先咁笨咩人來香港都畀佢地用香港納稅人繳納嘅醫療開支。以澳洲為例，睇個普通門診（GP - General Practitioner）診金就要AUD$40-50 以上，仲未計藥費。頭痛發燒傷風感冒總係唔知幾時嚟，保險有包醫療就唔洗下下自己嘔。
而一份比較齊全嘅WH 保險最起碼要包括意外、醫療同個人責任保險，但間間公司提供嘅計劃都唔同，保障金額都唔同，更甚嘅係同一個Plan 唔同Agent 開嘅價都唔同，個Agent 會唔會幫手跟Claim 錢都要一併考慮，因為呢啲One-off 嘅保險買左之後Agent 唔跟係吹佢唔脹......
假若個台灣男仔出發前有考慮過自身安全問題有買保險，就可能唔需要搵人籌期，所以話呢WH 保險呢個課題係好重要，但係又有好多人怕煩、心信自己唔會出事、唔想洗多一筆錢等等嘅理由而唔去睇唔去買。
旅行或Working Holiday 都唔等同只係去玩，作為一個成熟嘅旅者，背後嘅風險評估都真係要諗清楚。
全文同步於：
沒有留言:
張貼留言